Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/

Эвлэрүүлэн зуучлалын давуу тал

Түргэн шуурхай

Аливаа хэрэг маргааныг шийдвэрлэхэд хуульд заасан олон хугацаануудыг заавал баримтлах шаардлагатай болдог. Харин эвлэрүүлэн зуучлалд хуульд заасан хугацаа шат дамжлага байхгүй.

 

Хямд төлбөртэй

 

Зуучлалд \одоогоор\ шүүхэд төлөх ёстой тэмдэгтийн хураамж 30,000 төгрөг төлнө.

Хаалттай явагддаг

Шүүх хуулиар тогтоосноос бусад тохиолдолд ил тод, нээлттэй үйл ажиллагаа явуулах ёстой бол эвлрүүлэн зуучлал нь хаалттай явагдах боломжтой ба нууц хадгалагдана.


Мэргэшсэн зуучлагчид

 

Шүүхэд өөрөө шүүгчийг сонгох боломжгүй бол эвлэрүүлэн зуучлалд өөрийн маргааны чиглэлийн асуудалд мэргэшсэн хүнийг зуучлагчаар томилуулах боломжтой.


Уян хатан зохицуулалттай

 

Эвлэрүүлэн зуучлалд хандахад заавал хуульд заасан нэхэмжлэлийн бүдүүлбэрийг хангах шаардлагагүй. Тухайн төвөөс боловсруулсан өргөдлийн маягтыг бөглөх харилцан ярилцах Факс мэйл ашиглах зэргээр янз бүрийн байдлаар хандаж болно.

 

Эв найрамдалтай шийдэл


Эвлэрүүлэн зуучлалд талууд харилцан ойлголцож, харилцан буулт хийж аль алины санаанд хүрсэн шийдвэрт хүрдэг тул маргаан дуусахад талуудын хооронд зөрчил байхгүй болно.

 

Талуулын идэвхтэй оролцоо

 

Эвлэрүүлэн зуучлалд өөрийн байр сууринаас гадна эсрэг талын байр суурийн утга агуулга, шалтгаан зэргийг нь тунгааж, шийдэлд хүрэх алхмуудыг идэвхтэй эрэлхийлж, шаардлагатай үед нь эсрэг талтайгаа хамтрахгүй бол асуудлаа шийдэж чадахгүй тул төгсгөл хүртлээ талууд маргааныг шийдвэрлэх гол үүрэгтэй байдаг.

Иргэн танд


Санал асуулга
Хандалт
Бидэнтэй нэгдээрэй
  |  
«    December 2017    »
MonTueWedThuFriSatSun
 123
45678910
11121314151617
18192021222324
25262728293031