Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
Завхан аймаг дахь Захиргааны хэргийн анхан шатны шүүх
 

Завхан аймаг дахь захиргааны хэргийн анхан шатны шүүх нь 2004 оны 06 дугаар сарын 01-ний өдрөөс эхлэн үйл ажиллагаагаа явуулж байна.

Тус шүүх нь Завхан аймгийн бүх сумдыг харьяалан захиргааны хэрэг маргааныг хянан шийдвэрлэдэг.

Одоо тус шүүхийн ерөнхий шүүгчээр Л.Тунгалаг, шүүгчээр Н.Амарзаяа, Ч.Цэнд-Очир, шүүгчийн туслахаар П.Янжмаа, шүүх хуралдааны нарийн бичгийн даргаар Д.Ганчимэг нар ажиллаж байна.

Завхан аймгийн Захиргааны хэргийн анхан шатны шүүхийн талаарх мэдээллийг та шүүхийн байранд байрлах мэдээллийн самбар болон аймгийн бүх сумдын Тамгын газрын байранд байрлах шүүхийн мэдээллийн самбар зэргээс авах боломжтой.

Захиргааны хэргийн анхан шатны шүүх нь Захиргааны хэрэг шүүхэд хянан шийдвэрлэх тухай хуулийн 13 дугаар зүйлийн 13.1 дэх хэсэгт зааснаар Захиргааны хэргийн шүүх Үндсэн хуулийн цэц болон өөр шүүхэд харьяалуулснаас бусад нийтийн эрх зүйн маргаан буюу Захиргааны ерөнхий хуулийн 5-р зүйлийн 5.1-д заасны дагуу дараах байгууллага, албан тушаалтнуудаас дээрх чиглэлээр гаргасан захиргааны актад холбогдох маргааныг хянан шийдвэрлэнэ.

1. Төрийн гүйцэтгэх эрх мэдлийг хэрэгжүүлдэг төв, орон нутгийн бүх байгууллага,

2. Хууль тогтоомжийг биелүүлж, захирамжилсан шийдвэр гаргадаг Засгийн газрын бус бие даасан агентлаг, түүнтэй адилтгах нийтийн эрх зүйн бусад байгууллага,

3. Захиргааны чиг үүргийг хууль болон нийтийн эрх зүйн гэрээний үндсэн дээр шилжүүлэн авсан этгээд,

4. Үйлчилгээг нь нийтээс заавал хэрэглэдэг төрийн ба холимог өмчийн сургууль, эмнэлэг, хэвлэл мэдээлэл, харилцаа холбоо, тээвэр, эрчим хүчний зэрэг байгууллагын захиргаа,

5. Нутгийн өөрөө удирдах байгууллага болон шийдвэр, үйл ажиллагаанд нь захиргааны хэргийн шүүхэд гомдол гаргахаар хуульд тусгайлан заасан байгууллагууд орно.

Иргэн та "Шүүхэд нэхэмжлэл гаргах” болон захиргааны хэргийн шүүхтэй холбоотой бусад асуудлаар холбогдох гарын авалгатай танилцах боломжтой. Үүнд.

-Хэргийн оролцогч гэж юу вэ?

-Хэрэг хянан шийдвэрлэх ажиллагаанд төлөөлөх гэж юу вэ?

-Нэхэмжлэл гаргах талаар

-Захиргааны хэргийн шүүхээс гарах шийдвэрийн төрлүүд

-Давж заалдах гомдол гаргах талаар

-Хяналтын шатны шүүхэд гомдол гаргах талаар

-Захиргааны хэргийн шүүхийн хянан шийдвэрлэх маргаан

-Захиргааны байгууллага түүний үйл ажиллагааны хэлбэр

-Захиргааны ерөнхий хуулийн суурь зохицуулалтууд

-Захиргааны хэргийн Давж заалдах шатны шүүхийн анхан шатны журмаар шийдвэрлэх маргаан, шийдвэрлэх тусгай журам

-Шинээр илэрсэн нөхцөл байдлын улмаас шүүхийн шийдвэрийг дахин хянах

Та дээрх гарын авлагуудтай танилцана уу.

Монгол Улсын хэмжээнд захиргааны хэргийн анхан шатны нийт 20 шүүх үйл ажиллагаа явуулж байгаа бөгөөд дараах нутаг дэвсгэрийг харьяалан захиргааны хэрэг маргааныг хянан шийдвэрлэж байна.

 
Иргэн танд


Санал асуулга
Хандалт /begin 2018.09.20/
Бидэнтэй нэгдээрэй
  |  
«    May 2019    »
MonTueWedThuFriSatSun
 12345
6789101112
13141516171819
20212223242526
2728293031